ОТА – ОНАГА ЯХШИЛИК ҚИЛИШ
20 сентябр 2023 й.
699 марта ўқилди.

ОТА – ОНАГА ЯХШИЛИК ҚИЛИШ

   Аллоҳ таоло Қурони каримнинг бир қанча сураларида ота-онага яхшилик қилиш, уларга эҳтиром кўрсатиш, эҳтиёжларини қондириш фарзанд зиммасидаги энг муҳим вазифалардан эканлигини таъкидлайди. Бу борада Ўзининг Каломи Қуоъонда шундай марҳамат қилади:
وقضى ربك ألا تعبدوا إلا إياه وبالوالدين إحسنًا إما يبلغن عندك الكبر أحدهما أو كلاهما فلا تقل لما أف ولا تنهرهما وقل لهما قولا كريما    وأخفض لهما جناح الذل من الرحمة وقل رب ارحمهما كما ربياني .  صغيرا
“Роббингиз, Унинг Ўзигагина ибодат қилишингизни ҳамда ота-онага яхшилик қилишни амр этди. (Эй, инсон!) Агар уларнинг бири ёки ҳар иккиси ҳузирингда кексалик ёшига етсалар, уларга “уф!..” дема ва уларни жеркима! Уларга (доимо) ёқимли сўз айт!” Уларга меҳрибонлик билан, хорлик қанотини паст тут ва (дуода) айт: “Эй Роббим! Мени улар гўдаклик чоғимда тарбиялаганларидек, Сен ҳам уларга раҳм қилгин!” (Исро сураси, 23-24 оятлари).
   Қуръони Каримда фарзандларга ота-онани ҳурмат қилиш, уларни эъзозлаш ҳақида қайта-қайта насиҳат берилади. Чунки, Ислом динимиз ота-она қадрини юксакларга кўтаради. Фарзанд ота-онасининг ҳузурида қанчалик ўзини хокисор пастга тутса шунчалик яхши. У ўз раҳматини хокисорлик ила ота-онасига пастлатиб паяндоз қилса ҳам оз. Чунки, фарзанднинг шу даражага етишишлигининг сабабчиси ҳам ота-онадир.
   Бугунги кунда муштипар ота-оналарини жеркиб, уларга ғазаб қилиб, ёмон  муомалада бўлаётгалари ҳам йўқ эмас. Уларнинг бу ишлари Ислом динимизга асло тўғри келмайди.
Абдуллоҳ ибн Умар айтадилар: “Роббингнинг ризоси ота-онанинг ризосидадир. Роббингнинг норозилиги ота-онанинг норозилигидадир”. Шундай экан биз фарзандлар камолга етишишлигимиз учун аввало ота-оналаримизни розиликлари, дуоларини олишлигимиз керак.
   Аллоҳ барчаларимиздан рози бўлсин !

"Файзобод" масжиди имом-хатиби
Отабек Авезов
 

 

«орқага

Бухоро -
Бомдод: 05:45
Куёш: 06:34
Пешин: 13:10
Аср: 17:30
Шом: 19:10
Хуфтон: 20:45
Тўлиқ тақвим »
ТАСАВВУФ » Маърифий ислом »
Сайтдан излаш
Telegram