Тинчлик - бебаҳо неъмат
29 сентябр 2017 й.
2479 марта ўқилди.

                 Тинчлик - бебаҳо неъмат

Мусулмонларнинг бир-бирлари билан кўришганда айтадиган «Ассалому Алайкум», яъни «Сизга тинчлик-омонлик тилайман» деган шиорлари бошқа бирор халқ ёки миллатда йўқ. Мусулмон халқимизнинг энг яхши кўрган куп такрорлайдиган дуоси «Илоҳо, хонадонларимизнинг тинч, юртимизни обод қил" деган дуодир. Доно халқимизнинг «Қўшнинг тинч-сен тинч», «Бир кун уруш бўлган жойдан қирқ кун барака кетади» каби мақол-маталларида ҳам тинчлик қанчалик бебаҳо неъмат экани айтилади.

Юртбошимиз якинда БМТ нинг 72-сессиясида сўзлаган нутқларида: «Афғонистондаги осойишталик ва хотиржамликдан Марказий Осиёда энг манфаатдор давлат бу Ўзбекистондир» деб таъкидладилар. Тинчлик ҳакида гапирилганда,нотинчликлар,тартибсизликлар юз бераётган давлатларни кўз олдимизга келтириб уларни ҳолатини тасаввур килиб кўрайликчи, беихтиёр сесканиб кетамиз.

Эрталаб мактабга боришда бизни юртимиздаги она ўз боласига «яхши ўқигин,тўполон қилмагин» деб узатади. Нотинч юртлардачи фарзандини мактабга рози-ризолик сўраб жўнатади. Юртимиздаги ота оиласини нафақаси учун ишга кетаётганида аёли ва болалари «яхши ишлаб келинг деб хурсандлик билан ишга узатади. Нотинч юртда эса оиласини нафақаси учун кўчага чиққан ота келгунича оиласи саломат қолишлигига, уй жойига бомба тушиб парчаланмаслигига ҳеч кандай кафолат йўқ. Бу мавзуни давом эттираверсак охири кўринмайди. Жаҳондаги юз бераётган нотинчликлар юртимиздаги ҳар бир кишини огоҳликка, хушёрликка чорлаши зарур. Бундай олиб қарасак тартибсизликлар юз бераётган уша юртлардаги кишилар ҳам худди сиз ва бизга ўхшаган инсонлар. Уларни юртлари ҳам бир пайтлар бизни юртимизга ўхшаган тинч юрт еди. Лекин узоқни кўролмайдиган мутаассиб, жоҳил юртдошлари ўзгаларни найранги, алдовига учиб ўз юртларини ўз қўллари билан вайрон қилдилар ёки четдан келган юртбузарларга юртларини вайрон қилишликка кўмакчи бўлдилар.

Аллоҳ таолонинг беҳад раҳмати ва инояти билан юртимизда барқарор тинчлик осойишталик ҳукм сурмоқда. Бунинг учун барқарор тинчликни қадрлаб, осойишта ҳаёт учун мустахкамлаш барчанинг асосий бурчи эканини яхши англашимиз керак. Зеро, Аллоҳ таоло Қуръони каримда бунга алоҳида диққат-эътиборли бўлишимизга чорлаб, шундай марҳамат килади: «Қачон (Биз) инсонга (тинчлик, саломатлик, фаровонликни) инъом этсак, у (шукр килишдан) юз ўгириб, ўз ҳолича кетур. Қачон унга (хасталик, камбағаллик каби) бирор ёмонлик етса, ноумид бўлур». (Исро сураси 83-оят)

Дарҳақиқат, инсонларга тинчлик, осойишталикдан кўра тансиқрок, азизроқ неъмат борми? Юрт нотинч бўлса, тўй-томоша, хурсандчилик, ўйин-кулги татимайди. Одамнинг йегани ичига тушмайди, юрагига ҳеч нарса уй-жой, бойлик, фарзанд, амал-мартаба сиғмайди. Урушлар туфайли инсонлар ўртасида меҳр-оқибат, одамгарчилик унутилади, бошланган хайрли ишлар, улуғ  мақсадлар якунига етмай қолиб кетади. Барчанинг ҳаётидан ҳузур-ҳаловат, турмушидан ором-фароғат кўтарилади.

Пайғамбаримиз соллоллоҳу алайҳи ва саллам:«Икки энг азиз неъмат бору, кўпчилик инсонлар буни қадрига йетишмайди, булар саломатлик ва тинчлик-хотиржамликдир» деб марҳамат қиладилар.

Айни ҳақиқат бу, бизни юртдошларимизни кўпчилигида бизга доим тинчлик бўлиши керак бу одатий ҳол деган фикр пайдо бўлиб қолган. Баъзи кишилар эса тинчликни сақлаш фақат давлатни вазифаси деб тушунадилар. Аслида, тинчликни сақлашга шу заминда яшаётган ҳар бир фуқаро ўз имкони борича ҳаракат қилиши зарур. Чунки тинчлик бу, эмин-эркин ибодат кафолати,тинчлик бу хотиржам ишга бориш, илм олиш кафолати, қолаверса ўзимиз ва фарзандларимиз келажаги ҳакида қайғуришимиз ва орзуларимизни кафолатидир.

Шайх Саъдий р.а юрт ҳакига бундай дуо килган эканлар:

Ё раб, зи боди фитна нигаҳ дархоки порс,(мо)

Чандонки хокро буду бодро бако.

 Яъни; «Ё парвардигор бизнинг бу азиз юртимизни то тупрок ва шамол борича(яъни киёмат коин булгунича) фитна-фасоддан саклагин.» Шу заминда яшаётган хар бир юртдошимизни тилаги ва амали тинчлик булса, яратганни узи бизни муродимизга етказади.

 

«Суфидехкон хонако» жомье масжиди

 имом-хатиби:                                                 Абдуллаев Ёркинжон.

«орқага

Бухоро -
Бомдод: 05:45
Куёш: 06:34
Пешин: 13:10
Аср: 17:30
Шом: 19:10
Хуфтон: 20:45
Тўлиқ тақвим »
ТАСАВВУФ » Маърифий ислом »
Сайтдан излаш
Telegram