3070 марта ўқилди.

 

 

  

77. Урва ибн Муғира отаси (розияллоҳу анҳу) дан ривоят қилади: “Табук ғазотида Расулуллоҳ соллаллоҳу алайҳи васаллам таҳорат қилаётганларида сув қўйдим ва маҳсиларига масҳ тортдилар”, деди.

 

 Шарҳ:

 

Ушбу ҳадисда Урва отаси Муғира розияллоҳу анҳудан Расулуллоҳ соллаллоҳу алайҳи васалламга таҳорат сувини қўйиб турганларини эшитганларини айтмоқда. Расулуллоҳ соллаллоҳу алайҳи васаллам кўп ҳолларда ўзлари таҳорат қилиб, бировнинг ёрдамидан фойдаланмаганлар. Фақат бирор узр сабабли ёки касаллик ё кексалик туфайли таҳоратда бошқалар ёрдамидан фойдаланиш жоиз.

 

Ушбу ҳадисдан олинадиган фойдалар:

 

1. Таҳоратда бошқа биров бирор узр сабабли сув қуйиб туришининг жоизлиги

 

2. Саҳобаларнинг Расулуллоҳ соллаллоҳу алайҳи васалламга хизмат қилишлари

 

3. Расулуллоҳ соллаллоҳу алайҳи васалламга хизмат қилишнинг шарафлиги

 

4. Маҳсига масҳ тортишнинг жоизлиги