Ўзбекистон мусулмонлари идораси раиси, муфтий Усмонхон Алимов ҳазратларининг Бухородаги ташрифи
20 январ 2021 й.
364 марта ўқилди.

 

Ўзбекистон мусулмонлари идораси раиси, муфтий Усмонхон Алимов ҳазратларининг Бухородаги ташрифи 

Бугун, 20 январь куни Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедовнинг Бухоро вилоятига сафарлари бошланди. Меҳмонларга Бухоро вилоят ҳокими ўринбосари Эркин Мажидов, вилоят бош имом-хатиби Жобир Элов ва Диний идора иш бошқарувчиси Рустам Жамилов ҳамроҳлик қилмоқда.
                                                         
 
Ташриф давомида масжид ва мадрасаларни кўздан кечириш, муборак қадамжоларни зиёрат қилиб, ўтганлар ҳақига дуолар қилиш, имом-хатиб ва намозхонлар билан учрашиш, ижтимоий ҳимояга муҳтож аҳоли ҳолидан хабар олиш каби ишларни амалга ошириш кўзда тутилган.
 
                                                          
                                                  
Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари  бўйича қўмита раиси А. Аҳмедов, Бухоро вилоят ҳоким ўринбосари Э. Мажидов ҳамда вилоят бош имом-хатиби Ж. Элов мадрасалар Юрти бўлмиш Бухорои шарифда қад ростлаётган “Мир Араб” олий мадрасасининг қурилиш жараёни, шунингдек у ерда олиб борилаётган ишлар билан танишиб, керакли тавсия ва маслаҳатларини бердилар.
 
                                                                                                                                                                                 
Келажакда ушбу зиё масканидан Бухорийлар, Термизийлар, Нақшбандийлар каби улуғ алломаларнинг етишиб чиқмоқлигини тилаб дуойи хайрлар қилдилар.
Сўнгра муфтий ҳазратлари Бухоро шаҳрида янгитдан барпо этилган “Дилкушо” жомеъ масжидига ташриф буюрдилар. 
 
                                                            
 
Ушбу масжидда яратилган имкониятлар, ундаги кутубхона, маҳобатли баланд гумбазини алоҳида эътироф этиб масжид қурилишида иштирок этган азизларнинг ҳақига дуолар қилиб, ўз тавсияларини билдирдилар. 
                     
                                                           
 
                                                          ЎМИ Бухоро вилоят вакиллиги Матбуот хизмати
 
 
«орқага

Бухоро -
Бомдод: 06:20
Куёш: 07:06
Пешин: 13:10
Аср: 17:10
Шом: 18:50
Хуфтон: 20:10
Тўлиқ тақвим »
ТАСАВВУФ » Маърифий ислом »
Сайтдан излаш
Telegram