Ижтимоий тамоқлардаги фитначилардан эҳтиёт бўлайлик
09 июл 2025 й.
235 марта ўқилди.
Ижтимоий тамоқлардаги фитначилардан эҳтиёт бўлайлик
Дарҳақиқат Интернет бугунги замонамизнинг муҳим бир қисмига айланди. Бу кашфиёт инсонларни узоғини яқин қилди, ишларини осон қилди, инсонлар бир-бирлари билан мулоқот қилишлари осон бўлди. Ниҳоятда самарали бир кашфиёт бўлди. Лекин ҳар бир масаланинг иккинчи тарафи бўлгани каби интернетнинг ҳам зарарли томонлари кўзга чалина бошлади. Одамлар интернет орқали бир-бирларини алдашлари, обруйларини туширишлари, ҳар хил фирибгарлик йўлларини қилишлари ҳам афсуски кўпайди. Хоссатан диний йўналишда ҳам ҳар хил одамлар чиқиб динни гапира бошлашди. Ижтимоий тармоқ саҳифаларида ҳар ҳил тахаллусларда фаолият олиб бораётган шахслар диний мазмундаги дарсларни интернет орқали бериб, саволларга жавоблар бериш орқали жамиятимизда турли ақидавий ва фиқҳий ихтилофлар келтириб чиқаришди. Уларнинг асли ким экани, илмий салоҳияти мазҳаби ва ақидаси қандай экани кўпчилик ёшларимизга маьлум эмас. Шу боис айрим ёшлар билиб- билмай уларнинг гапига қулоқ солаётгани фикрларини қўллаб-қувватлаётгани жуда хатарли ҳол.
Одамларни йулдан оздириш ботил ғоя ва ақидаларни тарқатишга қаратилган ҳаракатлар аввалги даврларда ҳам мавжуд бўлган. Сўзга уста аслида эса илмсиз ва жоҳил кишилар одамларга “фатво” бериб ўзларини машҳур қилиш, сохта обрў орттиришга уринганлар.
Шуни унутмаслигимиз керакки уламоларимиз азалдан “Шарьий саволларга жавобни эл-юрт олдида илми ва амали ва тақвоси ила танилган олимлардан олиш керак” эканини таькидлаб келганлар .
Машҳур тобеинлардан бири Муҳаммад Ибн Сирин раҳимаҳуллоҳ ”Шарьий илм – бу дин демакдир! Уни кимдан олаётганингизга эьтибор беринг!” деганлар. Имом Молик раҳимаҳуллоҳ эса: “Ушбу илм – диндир! Динингизни кимдан олаётганингизга қаранг! Мен етмишта яқин уламо суратидаги кимсаларнинг Масжиди Набавий устунлари олдида: ”Расуллуллоҳ ундай дедилар, бундай дедилар“ деганини эшитганман. Лекин, уларнинг ҳеч биридан илмдан бирор нарса олганим йўқ”деганлар.
Демак диний илмларни олишда, фатво олишда шахсиятлар жуда муҳим экан. Шунга кўра Интернет орқали диндан шариатдан гапираётган, лекин аслида кимлиги номаьлум келиб чиқиши ҳам номаьлум кимсалардан дин ўрганилмайди, уларга қулок солинмайди. Чунки фатво бу-диндир. ”Хадис айтди, оят келтирди демак унга эргашиш керак” дейилмайди.
Азизлар хулоса шуки бирор савол туғилса ўзимизнинг мадраса устозларидан, масжид имом хатиблардан ва .uz доменлик сайтлардан фойдаланайлик. Шундагина ҳар хил хатарлардан омонда бўламиз.
Камалов Шухрат,
Маҳмуд Торобий жомеъ масжиди имом-хатиби
Маҳмуд Торобий жомеъ масжиди имом-хатиби
«орқага
