Har bir xalqning tinchligi, osoyishtaligi va farovon hayoti — o‘z vataniga sadoqat bilan xizmat qilayotgan jasur insonlarning mashaqqatli mehnati evaziga ta’minlanadi. O‘zbekiston Respublikasi Milliy gvardiyasining tashkil topgan kuni — 4-avgust — bu nafaqat davlat xavfsizligini ta’minlovchi muhim tuzilmaning, balki Vatan tinchligi yo‘lida fidoyilik ko‘rsatayotgan insonlarning mardligi va sadoqatini yuksak qadrlash kunidir.
 

Milliy gvardiya — Vatan himoyasining mustahkam qalqoni
 

1992-yil 4-avgustda tashkil etilgan Milliy gvardiya bugunga qadar mamlakatimiz jamoat xavfsizligini ta’minlash, fuqarolarni tahdid va xatarlaridan asrash, davlat manfaatlarini himoya qilish yo‘lida fidokorona xizmat qilib kelmoqda.

Bu tuzilma nafaqat tartib-intizomni saqlash, balki yosh avlodni vatanparvarlik ruhida tarbiyalash, xalqimizning ma’naviy qadriyatlarini ulug‘lash singari ulug‘ vazifalarni ham o‘z zimmasiga olgan. Uning shiori — “Burch, Sadoqat, Jasorat” — bu tashkilot faoliyatining ichki mohiyatini ifodalaydi.
 

Islom dinida Vatan himoyasi — muqaddas burch
 

Islomda vatanparvarlik va yurt tinchligini ta’minlash oliy burch sanaladi. Rasululloh (sollallohu alayhi vasallam): “Vatan muhabbati imondandir” deb, bu tuyg‘uning muqaddasligini ta’kidlaganlar. Bugun Milliy gvardiya xodimlari ushbu buyuk burchni ado etib, xalqimiz osoyishtaligi yo‘lida jonini fido qilishga tayyorligini har kuni amalda namoyon etmoqda.
 

Milliy gvardiya xodimlari — xalq manfaatini o‘z manfaatidan ustun qo‘ygan, jamoat tartibi, davlat ob’ektlari va insonlar xavfsizligini himoya qiluvchi fidoyi xizmat egalaridir. Ularning xizmatlari nafaqat jismoniy quvvat, balki yuqori darajadagi vijdon, sadoqat va ma’naviy tayyorgarlikni talab qiladi.

Islomda buzg‘unchilikning oldini olish, adolatni o‘rnatish, yoshlarni to‘g‘ri yo‘lga boshlash ham xuddi shunday muqaddas xizmatdir. Qur’oni karimda Alloh taolo marhamat qiladi:

“Agar Alloh odamlarning bir qismini boshqasi bilan to‘xtatmaganida edi, yer yuzi buzg‘unchilik bilan to‘lib ketgan bo‘lardi.” (Baqara, 251)

Milliy gvardiyaning faoliyati mana shunday buzg‘unchiliklarga qarshi turgan tirgaklardan biridir.
 

Ma’naviy-ma’rifiy faoliyat: Vatanparvarlik maktablari
 

Milliy gvardiyaning “Ma’naviyat va ma’rifat markazi”, “Zakovat” intellektual o‘yinlari, “Temurbeklar maktabi” va “Jasorat sinflari” orqali yoshlar harbiy-vatanparvarlik ruhida tarbiyalanmoqda. Bu darslar orqali ular jasorat, sadoqat, halollik, fidoyilik kabi yuksak fazilatlarni o‘zlashtirmoqda.

Qahramonlik saboqlari: Fidoyilar unutilmaydi

Milliy gvardiya xodimlari ko‘plab xavfli vaziyatlarda jonbozlik ko‘rsatmoqda. Ulardan biri — Sardoba fojiasida halok bo‘lgan jasur xodim Suyarov Xusniddin Zokirovich xotirasi xalqimiz qalbida abadiy muhrlanib qolgan. Uning nomi abadiylashtirilib, yoshlar uchun ibrat maktabiga aylantirildi. Islomda bunday fidoyilik “shahidlik” maqomiga teng ko‘riladi.

Xalq bilan hamkorlik — xavfsiz va ma’naviy barqaror muhit sari

“Xavfsiz mahalla – xavfsiz mamlakat” tamoyili asosida Milliy gvardiya xalq bilan yaqin hamkorlikda faoliyat yuritmoqda. Bu — nafaqat jinoyatchilikka qarshi kurash, balki jamiyatdagi birlik va hamjihatlikni ta’minlashga qaratilgan yuksak harakatdir.

Alloh taolo aytadi:

Milliy gvardiya ana shu birodarlik rishtasini amaliyotga tatbiq etmoqda.
 

Xulosa: Vatanparvarlik — muqaddas burch
 

Milliy gvardiyaning tashkil topgan kuni — bu nafaqat tarixiy sana, balki vatan uchun jonini tikkan, sadoqat va jasorat namunasi bo‘lgan insonlarga hurmat kuni hamdir. Ularning harakatlari — Vatan ravnaqi, xalq osoyishtaligi va tinch hayoti uchun xizmat qilmoqda.

Vatan himoyasi — Alloh tomonidan yuklangan muqaddas burchdir.

Ushbu kunda Milliy gvardiya xodimlariga minnatdorchilik bildiraylik, ularning mashaqqatli va sharafli xizmatlarini yuksak qadrlaylik. Alloh taolo yurtimizni doimo tinch, xalqimizni baxtli va farovon qilsin!