ДИНИЙ-МАЪРИФИЙ СОҲА ФАОЛИЯТИНИ ТАКОМИЛЛАШТИРИШНИНГ УСТУВОР ЙЎНАЛИШЛАРИ
26 апрел 2025 й.
120 марта ўқилди.
ДИНИЙ-МАЪРИФИЙ СОҲА ФАОЛИЯТИНИ ТАКОМИЛЛАШТИРИШНИНГ УСТУВОР ЙЎНАЛИШЛАРИ
Инсон маънавияти, ахлоқий тарбияси ва маърифий салоҳиятининг юксалишида диний-маърифий соҳанинг ўрни беқиёсдир. Ҳар бир жамият ўз тараққиётида руҳий-маънавий асосларга таянади. Шу боис, ислоҳотлар жараёнида диний-маърифий соҳага алоҳида эътибор қаратилмоқда. Ўзбекистон Республикаси Президенти томонидан илгари сурилган «Янги Ўзбекистон – янги эҳтиёжлар» тамойили асосида диний-маърифий соҳани замон талабларига мос равишда такомиллаштириш долзарб вазифага айланмоқда.
I. Диний-маърифий фаолиятнинг аҳамияти ва замонавий талаблари
Диний-маърифий фаолият жамиятда маънавий қимматларни мустаҳкамлаш, ёшлар онгини маърифат билан бойитиш, ислом диннинг аслидаги бағрикенглик ва инсонийлик ғояларини тарғиб қилиш каби муҳим вазифаларни бажаради. Зотан, ислом дини таълимотида илм ва маърифатга даъват қилиш – энг улуғ мақсадлардан бири саналади.
Бироқ XXI аср – ахборот асрида диний билимларни чуқур ва замонавий тарзда етказиш, ёшлар қалбида диний экстремизм ва мутаассибликка қарши иммунитет ҳосил қилиш учун илмли, дунёқараши кенг, юксак маънавиятли мутахассисларни етиштириш талаб этилмоқда.
II. Такомиллаштиришнинг асосий йўналишлари
Илмий асосда иш юритувчи диний мутахассислар тайёрлаш
Ҳозирги кунда диний билим юртларида фақат назарий эмас, амалиётга йўналтирилган таълим тизимини жорий қилиш талаб этилади.
Ислом фиқҳи, ақийда, таърихи билан бир қаторда, психология, социология, медиа саводхонлик каби фанларни ҳам қамраб оладиган янги ўқув дастурлар ишлаб чиқилиши зарур.
Таълим-тарбия жараёнида диний-маърифий ёндашувларни кучайтириш
Мактаб ва олий ўқув юртларида диннинг ахлоқий-тарбиявий жиҳатларини тушунтирувчи маърузалар, курслар ташкил этиш.
Болалар ва ўсмирлар учун мўлжалланган дин, тарих ва маърифат ҳақидаги содда ва тушунарли адабиётларни нашр қилиш.
Оммавий ахборот воситаларидан самарали фойдаланиш
Телевизион кўрсатувлар, YouTube, ижтимоий тармоқлар орқали жамиятда соф исломий қадриятларни тарғиб қилувчи контентлар яратиш.
Интернет муҳитида тарқалаётган нотўғри диний таълимотларга қарши асосли раддиялар тайёрлаш.
Тинчлик, бағрикенглик ва динлараро ҳамжиҳатлик ғояларини тарғиб қилиш
Турли миллат ва дин вакиллари ўртасида ўзаро ҳурмат ва ҳамжиҳатлик муҳитини шакллантириш учун маърифий тадбирлар ташкил этиш.
Мазҳаблараро ҳамжиҳатликни сақлаш борасида илмий-даъватий тадқиқотлар ўтказиш.
Диний муассасалар фаолиятини шаффоф ва самарали ташкил этиш
Масжид, мадраса ва марказларнинг фаолиятида замонавий бошқарув услубларини жорий қилиш.
Жамоатчилик назорати ва мулоқот асосида иш юритиш орқали жамоа билан ҳамкорликда ривожланиш.
Диний-маърифий фаолият – жамиятнинг маънавий таянчи, унинг руҳий иммунитетини шакллантирувчи кучдир. Ушбу соҳани такомиллаштириш – нафақат диний соҳада, балки таълим, тарбия, маданият, ахборот ва давлат бошқарувида ҳам барқарорлик ва тараққиёт пойдеворини мустаҳкамлайди. Демак, ҳар бир фаолиятимизда “инсон манфаати устувор” эканини унутмасдан, маърифат ва исломнинг асл қадриятларини жамият онгига етказиш – бугунги куннинг асосий вазифасидир.
Жобир домла Элов
Бухоро вилояти бош имом-хатиби,
Мир Араб олий мадрасаси ректори
«орқага
