РИЗОЛИК- МАЪНАВИЙ НЕЪМАТ ВА ШИФОДИР
513 марта ўқилди.
РИЗОЛИК- МАЪНАВИЙ НЕЪМАТ ВА ШИФОДИР
Кимки қалбини Аллоҳ таоло унга берган нарса, розилик билан тўлдирса, Аллоҳ унинг қалбини бойлик, ризолик ва қаноат билан тўлдиради. Чунки розилик- неъматларга иймоннинг энг олий мақомларидан бири бўлган шукроналик мевасини беради. Аллоҳ таолонинг тақдири, яратганлари, режаси, олиши ва берган нарсасидан қаноатланмаган киши Аллоҳ таолога шукр қилмаган бўлади.
Шукр қилувчи инсон эса, Аллоҳнинг қисматига рози бўлган ва яxши ҳолатда яшайди. Шунинг учун Роббингиз сизга ато қилган нарсадан рози бўлинг!
Шунда сиз энг бахтли одамлар қаторида бўласиз , Унинг раҳм-шафқати, марҳамати орасида яшайсиз. Чунки унинг раҳм-шафқати сизни қўрққан нарсангиздан ҳимоя қилади ва Унинг раҳмати сизни У белгилаган нарса билан рози қилади.
Ишонинг! Норозилик қалбни Аллоҳдан фориғ қилувчи иллатдир. Норози банда Аллоҳнинг неъматлари билан тафаккур қилишга вақти бўлмайди ва иқрор бўлингки, розилик билан иймон бирга бўлсагина ўша инсон иймон таъмини тота билади.
Шунинг учун мўминлик кучли ибораки, у ўзидан ва Роббисининг олийлиги , адолати ва раҳм-шафқатига амин бўлган ҳолатида рози бўлади. Ана шундай мўмин одам ўзига етадиган ҳар қандай мусибат Аллоҳнинг изни билан бўлишини билади ва бунинг учун Аллоҳ таолонинг қуйидаги сўзларини ўқиш кифоя:
مَا أَصَابَ مِن مُّصِيبَةٍ إِلَّا بِإِذْنِ اللَّهِ وَمَن يُؤْمِن بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ {التغابن/11}
“Аллоҳнинг изнисиз ҳеч бир мусибат етмас. Ким Аллоҳга иймон келтирса, У Зот унинг қалбини ҳидоятга солар. Аллоҳ ҳар бир нарсани билувчи Зотдир.
Тағобун сураси, 11- оят
Мўмин киши Аллоҳ таолонинг ўзи учун тузган режаси банданинг тузган режасидан яхшироқ эканига амин бўлади ва у Парвардигорига илтижо қилиб:
بيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ {آل عمران/26}
Барча яхшилик сенинг қўлингдадир. Албатта Сен барча нарсага қодирсан,- дейди.
Шунинг учун ризолик, умидсизликни кетказиб, неъматларни танишликка йўл очувчи улкан иймон аломатидир.
Агар рози бўлсангиз, Аллоҳ сизни рози қилади.
Улуғ олимлардан Суфён Саврий роҳимаҳуллоҳу таъала айтадилар, Ҳасан айтди:
Кимки, Аллоҳ таоло унга берган нарсага рози бўлса, Аллоҳ уни кенг қилиб қўяди ва унга барака беради. Кимки рози бўлмаса, кенг қилмайди ва барака ҳам бермайди.
Салафлардан бирлари айтдилар: “ Аллоҳ сизга қилган барча ишларидан рози бўлинг. Чунки У, сизга фақат бериш учун сиздан узиб қўяди,сизга офият бериш учун имтихон қилади, сизга фақат шифо бериш учун касал қилади ва сизга ҳаёт бериш учун сизни ўлдиради.
Шундай экан, Роббингиздан бир лаҳзага ҳам рози бўлишингизни йўқотишдан эҳтиёт бўлинг! Акс ҳолда, Унинг марҳаматидан маҳрум бўласиз ва ишонч ҳосил қилингки, агар сиз доимо рози бўлиб яшасангиз, Аллоҳ сизни рози қилади ва сизга ҳам сизни рози қилганларга ҳам рози бўладиган нарсаларни юборади.
Норози бўлганингизда ҳамма нарсани йўқотишингизга азоб-уқубатингизни кучайиши, дунё сизни ўраб олишига, қаршилигингиз барбод бўлишига, йўлингиз тўсилишига, сўровингиз рад этилишига, нурингиз пардаланишига ва қайғуйингиз қолишига амин бўлинг ва бу мусибатлар келишидан аввал қадарга рози бўлган ҳолингизда айтингки” Эй Роббим! Бизни розилигингдан маҳрум қилма ва барча азоб-уқубатларни бизлардан кетказ ва ҳар бир ибодат ва дуоларимизни мустажоб қил ва бизни Сенга итоат этишдан маън қилма, Расулуллоҳ соллалллоҳу алайҳи васалламни бизларга ўрнак қилгин!.
Психологларнинг таъкидлашича, инсоннинг соғлиги ва ҳаётига салбий таъсир кўрсатадиган кўплаб ташвишлар, руҳий босимлар ва норозиликлардан келиб чиқади.
Бунинг сабаби, инсон ҳаётда қийинчилик, меҳнат ва азоб-уқубатларга дуч келади ва бу иш Роббимизнинг Сўзида равшан айтилган:
لَقَدْ خَلَقْنَا الْإِنسَانَ فِي كَبَدٍ {البلد/4}
“Батаҳқиқ, инсонни машаққатда яратдик” Балад сураси, 4- оят
Яъни, азоб-уқубатда ва инсон табиатан домий интилишга эга ва узун орзулар қилади. Шунинг учун инсон истаган нарсасига эришиши мумкин. Лекин у қониқмайди. Аксинча у, кўпроқ нарсани сўрайверади.
Ҳохлаган нарсасига эришган тақдирда ҳам, у розилик неъматидан ризқланмаган бўлса, олган нарсасини ҳам, миқдори ҳам, сифати жиҳатидан ҳам орзулардан кам деб билади. Аллоҳ уларга берган неъматларнинг йўқолишидан қўрқиб ҳавотирда яшайди.
Шунинг учун ҳикмат аҳли дунё матолари қанчалик кўп бўлмасин, вақтинчалик мато ва муқаррар равишда фоний эканлигини билишган ва дуо қилганларки:
Эй Роббим! Неъматларинг йўқ бўлиб кетишидан эмас балки, доимийлиги билан Сени танидик” деб, дуо қилишган.
Шубҳасизки, ташвишларнинг даъвоси, бандаси Роббисининг рози бўлишида, қийинчиликларда сабр қилишида ва уни Аллоҳга топширишидадир.
Муборак оятнинг маъноси мана шудир:
قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ {التوبة/51
“Бизга Аллоҳ ёзиб қўйган нарсадан ўзгаси зинҳор етмайди.У бизнинг ҳожамиздир.Мўминлар Аллоҳгагина таваккул қилсинлар”, деб айт.
Тавба сураси, 51- оят.
Агар инсонни азоб-уқубатлар ўраб олса, у Аллоҳнинг раҳматидан умид узмаслиги кераккки, шайх, олим Муҳаммад Ал Ғаззолийнинг қимматли
“Ҳаётингизни янгиланг” китобида тақдирдан ризолик ва унга қандай эришиш ҳақида айтган сўзларини келтираман: Мўминнинг дунё ва ундаги барча нарсалар Аллоҳнинг қўлида эканлигига ишончи, унга хотиржамлик ва сокин ҳаётга олиб келади.
Инсон ҳаётидаги воқеалар қанчалик нотинч бўлмасин ва у вазиятлар олдиндан айтиб бўлмайдиган бўлмасин, фақатгина Аллоҳнинг иродаси билан ҳал қилинади.
Шундай экан, қадарга рози бўлиш ва қабул қилиш бандани Аллоҳ азза ва жаллага яқин қилади. Энг тўғрисини Аллоҳ таоло билувчидир.
Бухоро шаҳар “Имом Ғаззолий” жоме масжиди имом хатиби:
Жасур домла Панжиев
«орқага
