6-Боб. Идишда бавл қилиш (31-ҳадис)
31 июл 2015 й.
2486 марта ўқилди.
باب البول في الإناء
6-Боб. Идишда бавл қилиш
أخبرنا أيوب بن محمد الوزان قال حدثنا حجاج قال: قال ابن جريج أخبرتني حكيمة بنت أميمة عن أمها أميمة رقيقة-قالت كان للنبي صلى الله عليه وسلم قدح من عيدان يبول فيه ويضعه تحت السرير
31. Ҳукайма бинту Умайма оналари Умайма бинту Руқайқа розияллоҳу анҳодан ривоят қилади: “Расулуллоҳ соллаллоҳу алайҳи васалламнинг ёғочдан идишлари бор эди. Унга бавл қилиб сўрилари остига қўяр эдилар”, деганлар.
Шарҳ:
Расулуллоҳ соллаллоҳу алайҳи васаллам кечқурун узоққа чиқиш машаққат бўлгани учун ёғочда ясалган идишга бавл қилиб сўрилари остига қўяр эдилар. Чукчи ҳали бавл қилиш учун алоҳида жой қурилмаган бўлган. Сўнг уни уй эгалари олиб чиқиб тозалаб турган. Баъзи ривоятларда Расулуллоҳ соллаллоҳу алайҳи васаллам бемор бўлганлари сабабидан шу иш бўлган деб келган. Қишнинг совуқлари-ю ёмғирларда ташқарига чиқиш, узоқ жойларга бориш инсонга, хусусан бемор кишига машаққат ҳосил қилгани учун У зот соллоллоҳу алайҳи васаллам шундай қилганлар.
Ушбу ҳадисдан олинадиган фойдалар:
1. Бавл қилиш учун махсус идиш ишлатиш мумкинлиги
2. Узр сабабли уйда бавл қилишнинг рухсатлиги
3. Бемор учун баъзи нарсаларга рухсат борлиги
Боло Ҳавз жомеь масжиди
имом хатиби
Жобиржон Элов
«орқага