2465 марта ўқилди.

Суяк билан покланишдан қайтарилганлиги

 

38. Абдуллоҳ ибн Масъуд розияллоҳу анҳудан ривоят қилинади: “Расулуллоҳ соллаллоҳу алайҳи васаллам суяк ёки тезак билан покланишдан қайтардилар”, дедилар.

 

 

Имом Термизий келтирган ривоятда: “ Тезак ва суяк билан истинжо қилманглар. У жин биродарларингизнинг таомидир”, деганлар. Имом Абу Довуд келтирган ривоятда, жинларнинг вакиллари Пайғамбаримиз соллаллоҳу алайҳи васалламнинг ҳузурларига келиб: “Эй Муҳаммад, умматингни суяк ва тезак билан истинжо қилишдан қайтар. Аллоҳ уларни бизга ризқ қилди”, деганлар. Шундан сўнг Пайғамбаримиз соллаллоҳу алайҳи васаллам мазкур нарсалар билан истинжо қилишдан қайтардилар.

 

Ушбу ҳадисдан олинадиган фойдалар:

1. Суяк ва тезак билан истинжо қилишдан қайтарилиши

2. Улар жинларнинг озиқаси экани

3. Исломда инсон ҳаётининг ҳар бир соҳаси баён этилгани